Best Sellings of Myanmar Books

သြဇာအာဏာ (သြဇာအာဏာစက် ထက်မြက်ရေး ဥပဒေသ ၄၈ ချက်) (ကောင်းသာ) (စီမံခန့်ခွဲမှု)

Roberi Greene ရေးသားသည့် The Concise 48 Laws of Power စာအုပ်ကို ဘာသာပြန်ဆိုထားခြင်း ဖြစ်သည်။ ထိပ်ဆုံးသို့ ရောက်လိုသူများ၊ လက်ရှိအောင်မြင်နေသည့်နေရာကို ပို၍ကျစ်လစ်အောင် တည်ဆောက်လိုသူများ လက်စွဲကျင့်သုံးရမည့် ဥပဒေသ ၄၈ ချက်ကို အခန်း (၄၈) ခန်းခွဲ၍ ရေးသားရှင်းလင်းထားသော စာအုပ်ဖြစ်သည်။

ပထမဆရာသင်လက်စွဲ ကဝေသာရကျမ်း (အတွဲ ၁ + ၂) (တောင်တွင်းဆရာတော် ခင်ကြီးဖျော်) (ဗေဒင် / လက္ခဏာ / သမထ / ဂမ္ဘီရ / စိတ်ဝိဉာဉ်ပိုင်းဆိုင်ရာ)

ပယောဂ၊ အင်း၊ အစီအရင်၊ စုန်း၊ မန္တန်ပညာရပ်အမျိုးမျိုးတို့ကို ဆရာစားမချန် ဖော်ပြထားသော မြန်မာလောကီကျမ်းစာအုပ်ဖြစ်သည်။ ပညာရပ်ပေါင်း ၁၅ဝ ကျော်ပါရှိသည်။

မူလဂါမဝါသီပုပ္ပား ပွဲကျောင်း မြန်မာ့သိုင်းလက်ဝှေ့ လေ့ကျင့်ကစားနည်း တန်ပြန် ခုခံ ကာကွယ် တိုက်ခိုက်နည်း (ပွဲကျောင်းဆရာကြီး ဦးစိုးမြင့်) (အားကစား / ကစားနည်း)

ပုဂံခေတ်မှသည် ယနေ့အထိ တည်ရှိနေသည့် ပွဲကျောင်းသိုင်းနှင့် လက်ဝှေ့ပညာရပ်များကို ကျမ်းကိုးအသွယ်သွယ်၊ ပညာစဉ်များ၏ ဆရာစဉ် သမားစဉ်များနှင့်တကွ ဖော်ထုတ်ရေးသားထားသော စာအုပ်ဖြစ်သည်။ မြန်မာ့ရိုးရာ ယဉ်ကျေးမှုအမွေ မြန်မာ့သိုင်း, လက်ဝှေ့ပညာ၏ သမိုင်းကြောင်းနှင့် လေ့ကျင့်ခန်း အသေးစိတ် ညွှန်ကြားချက် (သရုပ်ဖော်ပုံများနှင့်တကွ) ဖော်ပြပေးထားသည်ကို တွေ့ရသည်။ စာရေးသူသည် မြန်မာနိုင်ငံသိုင်းအဖွဲ့ချုပ်မှ မြန်မာ့သိုင်းပင်မဦးစီးဆရာကြီးတစ်ဦး ဖြစ်သည်။

မက္ကဇင်ပါပီရဲ့ ထရော်မာများ (မက္ကဇင်ပါပီနှင့် ထရော်မာများ ၂ အုပ်ပေါင်း) (ပါပီယွန်) (ဝတ္ထုရှည်)

မှတ်တမ်းမှတ်ရာ Memoir ဇာတ်လမ်းဖြစ်ရပ်အဖွဲ့အနွဲ့ အရေးအသားများကို ဖတ်ရှုကြရမည့် စာအုပ်ဖြစ်သည်။

ဗါးမဲ့လက်တွေ့ကျမ်း (၃ ကျမ်းပေါင်းချုပ်) (ဗားမဲ့ဆရာတော်ဘုရားကြီး) (ဗေဒင် / လက္ခဏာ / သမထ / ဂမ္ဘီရ / စိတ်ဝိဉာဉ်ပိုင်းဆိုင်ရာ)

ညောရမ်းမင်းနှင့် အနောက်ဘက်လွန်မင်းနှစ်ပါးတို့၏ နှစ်ဆက်မြောက်တိုင်တိုင် ကိုးကွယ်တော်မူခြင်း ခံခဲ့ရသော ဗါးမဲ့ဆရာတော်ကြီး၏ စိတ်ပုတီးစီရင်နည်း၊ တံပိုးစီရင်နည်း၊ တောင်ဝှေးစီရင်နည်း၊ အင်, အိုင်, ခလဲ့, လက်ဖွဲ့, မန္တယားဂါထာများကို တိမ်းပါးယွင်းကွက်ခြင်း မရှိရအောင် သံလျှက်မှော်ဆရာတော်ကြီးက ပြန်လည်စီရင်ရေးသားထားခြင်း ဖြစ်သည်။

အင်္ဂဝိဇ္ဇာဋီကာကြီး (၃ တွဲပေါင်းချုပ်) (တောင်တွင်းဆရာတော် ခင်ကြီးဖျော်) (ဗေဒင် / လက္ခဏာ / သမထ / ဂမ္ဘီရ / စိတ်ဝိဉာဉ်ပိုင်းဆိုင်ရာ)

ပိဋကတ္တယဆေက ဗဟုသုဿုတဓရ “မ တစ်လုံးကျေ” အတုလဆရာတော် တောင်တွင်းခင်ကြီးဖျော် ရေးသားဖွင့်ဆိုတော်မူသော အင်္ဂဝိဇ္ဇာဋီကာကြီးဖြစ်သည်။ ဗေဒင်ဟောခန်း၊ ယတြာပြုခန်း၊ လောကီစီရင်ထုံး၊ ဓာတ်ရိုက်ဓာတ်ဆင်၊ ဓာတ်စာပေး၊ ဆေးကု၊ ဥတု, ရတုပိုင်းခြားပုံ၊ အခါပေး၊ ဝိဇ္ဇာမယအတတ် အပါအဝင် အကြောင်းအရာပေါင်း ၂ဝဝ ကျော် ပါရှိသည့် ကျမ်းဖြစ်သည်။ ရှေးအစဉ်အဆက်ကတည်းက ဗေဒင်ဆရာများ၊ လောကီပညာလိုက်စားသူများ လက်စွဲထား ကိုးကားခြင်း ခံခဲ့ရသည့် ကျမ်းလည်း ဖြစ်သည်။

စိတ်တန်ခိုးလေ့ကျင့်လိုသူများ သမထလေ့ကျင့်လိုသူများအတွက် လျှို့ဝှက်ညွှန်းစေချက်များ ရာဂျ ယောဂကျမ်း (တက္ကသိုလ်စိုးမြတ်) (ဗေဒင် / လက္ခဏာ / သမထ / ဂမ္ဘီရ / စိတ်ဝိဉာဉ်ပိုင်းဆိုင်ရာ)

Sri Swami Sivanada ရေးသားသည့် Raja Yoga စာအုပ်ကို ဘာသာပြန်ဆိုထားခြင်း ဖြစ်သည်။ စိတ်ပိုင်းဆိုင်ရာနှင့် လုံးဝပတ်သက်နေသဖြင့် ယောဂကျင့်စဉ်များ အားလုံး၏ ဘုရင်ဟုဆိုနိုင်သည့် ရာဂျယောဂအကြောင်းကို ထဲထဲဝင်ဝင် လေ့လာနိုင်မည့် စာအုပ်ဖြစ်သည်။ စိတ်တန်ခိုးရအောင် လေ့ကျင့်နည်း၊ မိမိ လိုအင်ဆန္ဒပြည့်ဝအောင် စိတ်တန်ခိုးကို အသုံးချနည်း၊ ကိုယ်ရော စိတ်ပါ ကျန်းမာကြံ့ခိုင်စေနည်း၊ စိတ်တန်ခိုးရရှိရန်အတွက် လိုက်နာကျင့်ကြံရမည့် လျှို့ဝှက်သော နည်းလမ်းများ၊ စိတ်တန်ခိုးရရှိရန်အတွက် အစားအစာများ၊ စိတ်တန်ခိုးရရှိရန်အတွက် အခြေခံ လိုအပ်ချက်များ၊ စိတ်တန်ခိုးဖြင့် ရောဂါကုစားပုံ၊ ကမ္မဋ္ဌာန်းထိုင်သူများ သိထားသင့်သော လျှို့ဝှက်နည်းလမ်းများ၊ သမာဓိနှင့် သမထအကြောင်း၊ ရာဂျ ယောဂကို ကျင့်ခြင်း၏ အကျိုး၊ ကမ္မဋ္ဌာန်း၏ အတားအဆီးများ၊ သမာဓိရရှိရန်အတွက် အထောက်အကူများအကြောင်းကို လေ့ကျင့်ပုံလမ်းညွှန်ချက်များနှင့်အတူ ရှင်းလင်းဖော်ပြပေးထားသည်။

မြန်မာ့ရိုးရာ အသုံးချ အင်္ဂဝိဇ္ဇာဗေဒင်ပညာ (ဆရာဒဂုန်) (ဗေဒင် / လက္ခဏာ / သမထ / ဂမ္ဘီရ / စိတ်ဝိဉာဉ်ပိုင်းဆိုင်ရာ)

ဆရာတော်ခင်ကြီးဖျော်၏ အင်္ဂဝိဇ္ဇာနည်းစနစ်အပါအဝင် အင်္ဂဝိဇ္ဇာကျမ်းပေါင်း ၅ဝ ကျော်ကို အခြေခံပြီး ဤစာအုပ်ကို ရေးသားထားခြင်းဖြစ်သည်ဟု ဆိုသည်။ အင်္ဂဝိဇ္ဇာဆိုတာ ဘာလဲ၊ ယတြာဆိုတာ ဘာလဲ၊ ဓာတ်ဆိုတာ ဘာလဲ၊ နိမိတ်စနည်းဆိုတာ၊ ဓာတ်ကြီးလေးပါး အခါရွေးနည်း၊ အချိန်ဖမ်းနည်း၊ အခါယူနည်း၊ မိတ်အခါအပါအဝင် အခါအမျိုးမျိုးအကြောင်း၊ အခါရွေးနည်း အင်္ဂဝိဇ္ဇာ၊ နေဝင်နေထွက် ယူသည့်စနစ်၊ ကုန်ရောင်းစွံဖို့၊ ကုန်ထွက်ဖို့အပါအဝင် စေးရောင်းစေးဝယ်ရာတွင် အင်္ဂဝိဇ္ဇာအသုံးပြုနည်း၊ တရားနိုင်ချင်ရင်၊ သြဇာရှိဖို့အပါအဝင် လိုအင်ဆန္ဒပြည့်ဝစေရေးအတွက် အင်္ဂဝိဇ္ဇာ အသုံးချပုံ၊ ခရီးသွားဖို့ကောင်းသည့် အချိန်၊ နဝင်းစီးအချိန်အပါအဝင် ခရီးသွားနှင့် ပတ်သက်သည့် အင်္ဂဝိဇ္ဇာ၊ အိမ်ဆောက်တိုင်ထူူ ပန္နက်ရိုက်ကိစ္စများတွင် အသုံးပြုရန် အင်္ဂဝိဇ္ဇာ၊ ပြိုင်ဘက်နံတစ်ခု အားနည်းစေလိုလျှင်၊ ရန်သူကို နိုင်လိုလျှင်အပါအဝင် ရန်အခိုက်ပြေ အင်္ဂဝိဇ္ဇာများ၊ နဝင်းကြေဆေး၊ ဓာတ်စာအပါအဝင် ကျန်းမာရေး အင်္ဂဝိဇ္ဇာများ၊ သွားသောလူ ပြန်လာစေရန်၊ မသိသောသူ လူစေဖို့ကိစ္စများအပါအဝင် အဝေးရောက်လူ ပြန်လာဖို့ အင်္ဂဝိဇ္ဇာများ၊ ပစ္စည်းပျောက်ရှာ ဥစ္စာပျောက် အင်္ဂဝိဇ္ဇာများ၊ အခြေမချသင့်အရပ်များ၊ နာမည်ဟောနည်း၊ ဓာတ်ချေမှု၊ အဆောင်ကောင်း၊ ပီယအဆောင်များ ပါဝင်သည့် အထွေထွေ အင်္ဂဝိဇ္ဇာများ၊ ဗားမဲ့အခါ ယတြာနံ အင်္ဂဝိဇ္ဇာများအကြောင်းကို တိုတိုနှင့် လိုရင်း ရေးသားရှင်းလင်းထားသည်။

ရွှေမျက်နှာ နိမိတ် ၁၀၀ (The Oracle of The Golden Face) (Oracle Co., Ltd.) (ဗေဒင် / လက္ခဏာ / သမထ / ဂမ္ဘီရ / စိတ်ဝိဉာဉ်ပိုင်းဆိုင်ရာ)

ဗမာ့ရိုးရာနတ်ပုံများကို တားရော့ကဒ်များကဲ့သို့ နိမိတ်ပြကဒ်ပုံစံဖြင့် ရိုက်နှိပ်ထားခြင်း ဖြစ်သည်။ မြန်မာမှုလက်ရာပန်းချီများဖြင့် ရေးဆွဲထားသည့် ကဒ်ပေါင်း ၁၀၀ ပါရှိပြီး နတ်ချင်းများကို အောက်ခြေတွင် ဖော်ပြပေးထားသည်။ ကဒ်တွင် ဖော်ပြထားသည့် နတ်များနှင့် သက်ဆိုင်သည့် နတ်သမိုင်းကိုလည်း သီးခြားစာအုပ်တွင် ဖော်ပြပေးထားသည်။

ပါဝါ၏ ဥပဒေသ ၄၈ ချက် (နေဇင်လတ်) (သုတစာပေ)

Robert Greene၏ Laws of Powerကို ဘာသာပြန်ဆိုထားခြင်းဖြစ်သည်။ မူရင်းစာအုပ်သည် ငါးကြိမ်မက ပြန်လည်ရိုက်နှိပ်ရသော နိုင်ငံတကာ Best Sellerစာရင်းဝင် စာအုပ်ဖြစ်သည်။ တချို့လူများသည် ပါဝါအတွက် ရှင်သန်ကြရာ ဤစာအုပ်တွင် ပါဝါရစေရန် နည်းလမ်းများကို သမိုင်းဖြစ်စဉ်များမှ ထုတ်နုတ်ဥပမာပေးထားသည်။ ထိုနည်းလမ်းများတွင် ပါဝါရရှိရေးအတွက် ကြေကွဲစွာ ရက်စက်ရသည်များလည်း ရှိသလို ညင်သာစွာ ပါဝါရရှိခဲ့သူများကိုလည်း တွေ့နိုင်မည်ဖြစ်သည်။ နည်းလမ်းတစ်ခုချင်းစီကို ရှင်းလင်းထားရာတွင် အကဲဖြတ်ချက်၊ ဥပဒေစည်းဖောက်ခြင်း၊ ရှင်းလင်းချက်၊ ဥပဒေအား လေ့လာကြည့်ရှုခြင်း၊ ပါဝါရရှိရေးအတွက် သော့ချက်များဟူ၍ ခေါင်းစဉ်ငယ်များ ခွဲခြားရှင်းလင်းထားသည်။ ရောမ၊ အမေရိကန်၊ တရုတ်၊ ပြင်သစ် အပါအဝင် ကမ္ဘာ့သမိုင်းတစ်လျှောက် စီးပွားရေးနှင့် စစ်ရေးတို့တွင် ပါဝါရှိရေးအတွက် အပြန်အလှန် ဉာဏ်ကစားခဲ့ကြပုံများနှင့် ထိုသူတို့၏ အောင်မြင်မှု ကျရှုံးမှုများကို သင်ခန်းစာယူပြီး စာဖတ်သူများ မိမိတို့ အလိုရှိရာ ပါဝါရရှိရေးတွင် လက်တွေ့အသုံးချနိုင်ပုံများကို အသေးစိတ် သုတေသနပြုရေးသားထားသည်။ “ဤစာဖတ်ပြီး လိုက်နာကျင့်သုံးနိုင်လျှင် ပါဝါရရှိနိုင်သဖြင့် တလွဲသုံးသူများအတွက် စိုးရိမ်ဖွယ်ရာ ရှိရပါသည်”ဟုပင် ဆိုထားသည်။