Most Visited of Myanmar Books

ဟင်းလက်ရာ ၁၀၁ မျိုး (Wutyee Food House) (ချိုဝတ်ရည် ((Wutyee Food House)) (အချက်အပြုတ်)

မြန်မာချက်ပြုတ်နည်း၊ ထိုင်းချက်ပြုတ်နည်း၊ တရုတ်ချက်ပြုတ်နည်း၊ အိန္ဒိယချက်ပြုတ်နည်း၊ အနောက်တိုင်းချက်ပြုတ်နည်း၊ ဒင်းဆမ်းလုပ်နည်း၊ ဘာဂါလုပ်နည်း၊ ကင်နည်းအမျိုးပေါင်း ၁ဝ၁ဝ မျိုး ပြုလုပ်နည်းများကို ပါဝင်သော ပစ္စည်းအချိုးအဆ၊ ချက်ပြုပ်ပုံအဆင့်ဆင့်နှင့်တကွ ရှင်းလင်းရေးသားထားသော စာအုပ်ဖြစ်သည်။ တစ်အုပ်လုံးကို ကြွေစက္ကူများသုံး၍ ရိုက်နှိပ်ထားသည့်အပြင် ဟင်းလျာများ၏ ရောင်စုံဓာတ်ပုံများကိုပါ ထည့်သွင်းဖော်ပြပေးထားသည်ကို တွေ့ရသည်။

မိန်းမအင်္ဂါရုပ်ကြည့်နည်း (ကျော်ခိုင်) (ဗေဒင် / လက္ခဏာ / သမထ / ဂမ္ဘီရ / စိတ်ဝိဉာဉ်ပိုင်းဆိုင်ရာ)

စိတ်ထားကောင်းမွန်သော မိန်းမ၊ စရိုက်ကြမ်းတမ်းသော မိန်းမ၊ လင်နိုင်သည့် မိန်းမ၊ အနုပညာနှင့် အောင်မြင်မည့် မိန်းမ၊ ကတော်ဆယ်ပါးဝင် မိန်းမ၊ လင်ကို မထီမဲ့မြင် ပြုတတ်သည့် မိန်းမ၊ သားသမီးဖြစ်သူအား ခိုက်တတ်သည့် မိန်းမ၊ စာပေထူးချွန်သည့် မိန်းမ၊ မုဆိုးဖို၊ တစ်ခုလပ်များနှင့် အိမ်ထောင်ကျတတ်သည့် မိန်းမ၊ အိမ်ထောင်ဖက်အဖြစ် မရွေးချယ်သင့်သည့် မိန်းမ၊ မိဘဖြစ်သူအား ခိုက်စေတတ်သည့် မိန်မး၊ ဆင်းရဲမည့် မိန်းမ၊ သားသမီးများစွာ မွေးဖွားနိုင်မည့် မိန်းမအပါအဝင် မိန်းမအင်္ဂါရုပ်ကြည့်နည်းအမျိုးမျိုးအကြောင်းကို သရုပ်ဖော်ပုံများဖြင့် လည်းကောင်း၊ မိန်းမမာယာ လေးဆယ်အကြောင်း၊ မိန်းမတို့ ပျက်စီးတတ်ခြင်းအကြောင်း၊ မယားအမျိုးအစား ၇ မျိုးအပါအဝင် မိန်းမအကြောင်း သိကောင်းစရာများကိုလည်းကောင်း ဤစာအုပ်တွင် လေ့လာဖတ်ရှုကြရမည်ဖြစ်သည်။

နှစ်တစ်ရာ ပြက္ခဒိန် (1921 - 2023) (၁၂၈၂ - ၁၃၈၅) (အိတ်ဆောင်) (အင်္ဂလိပ် + မြန်မာ) (စိုးမိုးနိုင်) (ပြက္ခဒိန်)

မြန်မာသက္ကရာဇ် ၁၂၈၂ ခုနှစ်မှ ၁၃၈၅ ခုနှစ်အထိ၊ ခရစ်နှစ်အားဖြင့် ၁၉၂၁ ခုနှစ်မှ ၂ဝ၂၃ ခုနှစ်အထိ တစ်လချင်းအလိုက်ပြက္ခဒိန်များကို တစ်မျက်နှာလျှင် ၃ လနှုန်းဖြင့် လပြည့်ရက်၊ လကွယ်ရက် ဖော်ပြချက်များနှင့်အတူ ရိုက်နှိပ်ဖော်ပြပေးထားသော စာအုပ်ဖြစ်သည်။

မြန်မာဝတ္ထုအညွှန်းပေါင်းချုပ် (နတ်နွယ်, မင်းကျော် (မလိခ)) (ရည်ညွန်းစာပေ (အဘိဓာန် / စွယ်စုံကျမ်း / မြေပုံ / လမ်းညွှန်စာအုပ် / … ))

စာကောင်းပေကောင်းများ ဖတ်ရှုလိုသူများအတွက် စာအုပ်အညွန်းဖြစ်သည်။ ရှင်မဟာသီလဝံသ၏ ပါရာယနမှသည် ဂျူး၏ ပင်လယ်နှင့် တူသော မိန်းမများ၊ ဝင်းဝင်းလတ်၏ အချစ်၏ နောက်ဆက်တွဲစာမျက်နှာစာအုပ်ထိ စုစုပေါင်း ၁၂၁ ပုဒ်ကို ရေးသူ၏ အတ္ထုပတ္တိ၊ ဇာတ်လမ်းအကျဉ်း၊ အဓိကဇာတ်ဆောင်များအကြောင်း၊ ပုံနှိပ်မှတ်တမ်း၊ ဇာတ်လမ်းအပေါ် ဝေဖန်ချက်နှင့်အတူ ဖတ်ရှုရမည်ဖြစ်သည်။ စာရေးဆရာမင်းကျော်က “မလိခ” ဟူသောကလောင်ဖြင့် ဤစာအုပ်ပါအကြောင်းအရာများ ရေးသားနေစဉ် ကွယ်လွန်သွားသဖြင့် စာရေးဆရာ နတ်နွယ်က ၎င်းကလောင်ဖြင့်ပင် ဆက်လက် ရေးသားခဲ့သည်။ ဝတ္ထုကောင်းများကိုမှ ရွေးဖတ်လိုသူများအတွက် ဝတ္ထုအညွှန်း စာအုပ်ကောင်းတစ်အုပ် ဖြစ်သည်။

၁၂ ရာသီဖွား ဘဝသက်တာဟောကိန်းများ (သက်နှင်းဆွေ (ပုပ္ပါး)) (ဗေဒင် / လက္ခဏာ / သမထ / ဂမ္ဘီရ / စိတ်ဝိဉာဉ်ပိုင်းဆိုင်ရာ)

မိဿ၊ ပြိဿ၊ မေထုန်၊ ကရကဋ်၊ သိဟ်၊ ကန်၊ တူ၊ ဗြိစ္ဆာ၊ ဓနု၊ မကာရ၊ ကုမ်၊ မိန်ဟူသော ၁၂ ရာသီခွင်များ၏ ရာသီတစ်ခုချင်းစီတွင် ဖွားမြင်သော အမျိုးသား၊ အမျိုးသမီးများအတွက် အခြေခံစရိုက်သဘာဝ၊ စိတ်နေစိတ်ထားများ၊ ကံကြမ္မာအနေအထားများ၊ ဘဝတစ်သက်တာတစ်လျှောက် ဆောင်ရန် ရှောင်ရန်များ၊ ဆင်ခြင်သုံးစွဲစရာများ၊ လိုက်နာကျင့်သုံးစရာများကို ဗေဒင်နည်းအရ အသေးစိတ် တွက်ချက် စိစစ်တင်ပြထားသော စာအုပ်ဖြစ်သည်။ စာရေးသူက အမှာစာတွင် ရေးသားထားရာ၌ “ဤဟောကိန်းများ ရေးသားနိုင်ရန်အတွက် ထိုပညာခွင်အကြောင်းကို ၇ နှစ်ခန့် ပင်ပင်ပန်းပန်းကြိုးစားခဲ့ရသည်။ ဟောစတမ်းဖတ်သူများအပြင် သူကိုယ်တိုင်လည်း လိုက်နာကျင့်သုံးလိုသည့်အတွက် ကျမ်းအစောင်စောင်ကို ဖတ်မှတ် စိစစ်ပြီး ပြုစုထားခြင်းဖြစ်သည်။“ဟု ဆိုသည်။ စာရေးသူသည် ဤဟောစာတမ်းများကို နေလဂမ္ဘီရဂျာနယ်တွင် ဆက်တိုက်တင်ပြပြီးနောက် ယခုကဲ့သို့ စုစည်းထုတ်ဝေလိုက်ခြင်းဖြစ်သည်။

၂၀၁၄ - သင့်ကံကြမ္မာ ? (စနေသားသမီးများအတွက်) (အိတ်ဆောင်) (တက္ကသိုလ်စိုးမိုးနိုင်) (ဗေဒင် / လက္ခဏာ / သမထ / ဂမ္ဘီရ / စိတ်ဝိဉာဉ်ပိုင်းဆိုင်ရာ)

၂ဝ၁၄ ခုနှစ်အတွက် နေ့သားအလိုက် ဗေဒင်ဟောစာတမ်းစာအုပ်များ ဖြစ်ကြသည်။ သက်ဆိုင်ရာဂြုႋဟ်များ၏ သဘောတရားများ၊ နေ့သားများ၏ အရည်အချင်း၊ ချို့ယွင်းအားနည်းချက်၊ ကြံသမျှ ဆန္ဒတွေပြည့်ဝရန် အစီအမံ၊ တွေ့ကြုံရမည့် ကံတရားနှက်ါ ဆောင်ရန်, ရှောင်ရန်၊ ၂ဝ၁၄ ခုနှစ် တစ်ပတ်စာချင်းအလိုက် ဗေဒင်ဟောစာတမ်း, ယတြာနှင့် ကံပွင့်ဂဏန်များကို စုံစုံလင်လင် ဟောကြားပေးထားသည်။

မိန်းမတို့အကြောင်း (မြသန်းတင့်) (ဝတ္ထုရှည်)

Simone de Beauvoir ၏ The second sex ကိုဘာသာပြန်ထားခြင်းဖြစ်သည်။ အလွှာပေါင်းစုံ၊ ဘဝပေါင်းစုံမှ အမျိုးသမီးတစ်ယောက်ချင်းစီ၏ အကြောင်းကို နှိုက်နှိုက်ချွတ်ချွတ် ရေးထားသည့် စာအုပ်ဖြစ်သည်။ ဘာသာပြန်ဆိုသူ မြသန်းတင့်က မူရင်းစာအုပ်အား ဝေဖန်ထားရာတွင် “မိန်းမများ၏ အတွင်းစိတ်ကို ရေးရာတွင် ထိုမျှအတွင်းကျသောစာအုပ်မျိုးကို ကျွန်တော် တစ်ခါမျှမဖတ်ဖူးသေး။ သူ့စာအုပ်သည် မိန်းမတို့၏ လျှိုဝှက်ချက်မှန်သမျှကို ဖွင့်ပြသွားသကဲ့သို့ ရှိသည်။ အိမ်တွင် အစ်ကိုများ မောင်များ၏ အနိုင်ခံရသော မိန်းကလေး၊ စိတ်ကူးတိမ်တိုက်တွေကိုစီးကာ အိမ်မက်တိုင်းပြည်သို့ သွားနေသော အပျိုဘော်ဝင်စ၊ အချစ်ဖြင့် ရွှမ်းလဲ့ဝင်းပနေသော ချစ်သူ၊ လွတ်လွတ်လပ်လပ် နေချင်သောမိန်းမ၊ ယောကျ်ားလျာ၊ ပြည့်တန်ဆာမ၊ အိမ်ထောင်သည်ရှင်၊ မြေးတို့၏ အဘွား စသည်ဖြင့် မွေးလာသည်မှ သေသည်အထိ၊ နုနယ်ပျိုမျစ်ရွယ်မှ ဆံဖြူသွားကြွေရွယ်အထိ မိန်းမတို့၏ အတွင်းစိတ်ကို စေ့စပ်စွာ ရေးပြသွားသည်” ဟု ဆိုထားသည်။

ဓမ္မအမေးအဖြေများ (အတွဲ ၃) (အရှင်ကေလာသ [ဓမ္မာစရိယ B.A (Philo) M.A. (Buddhism]) (ဘာသာရေး)

Burmese Classic Web Site၏ ဓမ္မအမေးအဖြေကဏ္ဍတွင် ဖော်ပြခြင်းခံခဲ့ရသည့် စာရေးသူ ဆရာတော်၏ ဘာသာရေးပြဿနာ အမေးအဖြေများကို စုစည်းထုတ်ဝေထားခြင်းဖြစ်သည်။ ဗုဒ္ဓဓမ္မ အမေးအဖြေများဟုဆိုသော်လည်း သိစရာများကို စုပေါင်းကာ ရှင်းရှင်းလင်းလင်း သိရလေအောင် ပိဋကတ် ကျမ်းဂန်အရပ်ရပ်မှ ထုတ်နုတ်တင်ပြကာ ဖြေဆိုထားသည့် အဖြေစုံဖြစ်၍ စွယ်စုံကျမ်းတစ်ခုအလား ဖြစ်နေသည်ကို တွေ့ရသည်။ မေးသူများကလည်း မိမိတို့ မရှင်းမလင်း ရှိသည်များကို ပွင့်ပွင့်လင်းလင်း မေးထားကြသလို ဖြေကြားသူကလည်း သူ၏ စာတွေ့၊ ကိုယ်တွေ့ အတွေ့အကြုံများနှင့်အတူ အထောက်အထားများဖြင့် တိကျရှင်းလင်းစွာ ဖြေကြားထားသည်ကို ဖတ်ရှုကြရမည်ဖြစ်သည်။ ကဗျာရေးတဲ့ ရဟန္တာ၊ အကြားအမြင်၊ သူတောင်းစားနဲ့ ဘုန်းကြီး၊ ဗုဒ္ဓဦးခေါင်းခွံ၊ လူ့ခန္ဓာကိုယ်ရှိ အရိုးပေါင်း၊ ရဟန်ပြုကျိုး၊ ကုသိုလ်ပြုနည်း၊ တရားမှတ်သေရင်၊ သေစေညွှန်းခွင့်၊ အရှင်ဥပဂုတ္တ ... အပါအဝင် ကမ္ဘာအနှံ့မှ မြန်မာများ၏ ဘာသာရေးဆိုင်ရာ မေးခွန်းများကို ခေတ်မီသည့် အတွေးအမြင်ဖြင့် ဆွေးနွေးဖြေကြားပေးထားသည်။

၂၀၁၃ ခုနှစ် တစ်နှစ်တာ အချစ်ကံကြမ္မာ (ကန်ရာသီဖွား အချစ်) (သြဂုတ် ၂၄ မှ စက်တင်ဘာ ၂၂ ကြား မွေးသူများ) (စံ-ဇာဏီဘို) (ဗေဒင် / လက္ခဏာ / သမထ / ဂမ္ဘီရ / စိတ်ဝိဉာဉ်ပိုင်းဆိုင်ရာ)

၂ဝ၁၃ ခုနှစ်အတွက် အချစ်အညွှန်း၊ တစ်လတာချင်းအတွက် ချစ်ကံကောင်းရက်၊ ချစ်ကံခေရက်၊ အချစ်ပြဿနာ ဖြေရှင်းရက်၊ ပီယပွင့်, စန်းပွင့်စေရန် လုပ်ဆောင်သင့်သည့် ယတြာ၊ မိမိနှင့် အခြားရာသီဖွားများ မေတ္တာဆက်နွယ်မှု ကောင်း, ဆိုး, သင့်နှိုင်းယှဉ်ချက်၊ တစ်လတာ ပီယအဆောင်ပုံ၊ ရာသီခွင်ရှင်၏ နှလုံးသား ခံစားမှု သဘာဝ စသည့် အချစ်ဗေဒင်ဟောကိန်နှင့် ဆောင်ရန် ရှောင်ရန်များကို ဤစာအုပ်တွင် စုံစုံလင်လင် ဖတ်ရှုကြရမည်ဖြစ်သည်။

ဖို မ အိမ်ထောင်ဦးလက်စွဲ (တက္ကသိုလ်နေဝင်း) (ကျန်းမာရေးနှင့် ဆေးပညာ)

အိမ်ထောင်ရေးအကြောင်းကို ဆေးပညာရှုထောင့်မှလည်းကောင်း၊ လူမှုဆက်ဆံရေး ရှုထောင့်မှလည်းကောင်း ဝေဖန်သုံးသပ်ထားသော စာအုပ်ဖြစ်သည်။ အိမ်ထောင်ဖက်ရွေးချယ်ပုံ၊ အချစ်နှင့် အိမ်ထောင်ရေး၊ ဖို မ ဆက်ဆံရေး၊ အချစ်နှင့် လိင်စိတ်၊ သတိုးသား / သမီးလောင်းများ သိမှတ်စရာ၊ ဇနီးမောင်နှံများအတွက် အချစ်လမ်းညွှန်၊ အိမ်ထောင်ရေး အဆင်ပြေမှု / မပြေမှုများအကြောင်း စသည်တို့ကို အကျယ်တဝင့် ရေးသားရှင်းလင်းထားသည်။