New Arrivals of Myanmar Books

မြန်မာပုံတိုပတ်စများ (မောင်ဗိုလ်မွှေး) (ကလေးစာပေ)

ပြေပြစ်ရှင်းလင်းသော စကားပြေများဖြင့် ရေးသားထားသော ပုံပြင်များ စုစည်းမှု စာအုပ်ဖြစ်သည်။ စာရေးသူသည် ဤစာအုပ်ဖြင့် ၁၉၆၃ ခုနှစ်အတွက် အနုပညာစာပေ၊ ကလေးသူငယ်စာပေဆုကို ဆွတ်ခူးနိုင်ခဲ့သည်။

နှစ်ကြီးသမား (နတ်နွယ်) (ဝတ္ထုရှည်)

ဆရာနတ်နွယ်၏ ပဉ္စမြောက် ပင်ကိုယ်ရေး လုံးချင်းဝတ္ထုရှည်ကြီးဖြစ်သည်။

အတ္တအကျဉ်းသား (မောင်သိန်းဆိုင်) (ဝတ္ထုရှည်)

စာရေးသူ၏ လုံးချင်းဝတ္ထုရှည်တစ်ပုဒ် ဖြစ်သည်။

မိုးဒေဝါ (ဒဂုန်ခင်ခင်လေး) (ဝတ္ထုရှည်)

ကမ္ဘာကျော် ရုရှားလူမျိုးစာရေးဆရာကြီး လီမွန်တော်စတွိုင်း (Leo Tolstoy) ရေးသားသည့် The Kreutzer Sonata ဝတ္ထုကြီးကို ဘာသာပြန်ဆိုထားခြင်း ဖြစ်သည်။ မူရင်းဝတ္ထုသည် ကမ္ဘာ့နိုင်ငံအသီးသီး၌ ဘာသာပြန်ဆိုခြင်း ခံခဲ့ရသည့် ကမ္ဘာကျော်ဝတ္ထုတစ်ပုဒ်ဖြစ်သည်။ စာဖတ်သူများအနေဖြင့် ဝတ္ထုကို ဖတ်ပြီးသောအခါ စဉ်းစားဖွယ်ရာ ပေါ်ပေါက်လာသော မေးခွန်းပြဿနာများကို လေးနက်စွာ စဉ်းစားဆင်ခြင်၍ အရသာခံသင့်ကြောင်း မြန်မာပြန်သူက ဆိုထားသည်။

အောင်မြင်မှုအတွက် အပြုံး၏ တန်ဖိုး (အောင်လှိုင်) (လူမှုရေးနှင့် စိတ်ပညာ)

Darryl Davis ရေးသားသည့် How to design a life worth smiling about စာအုပ်ကို ဘာသာပြန်ဆိုထားခြင်း ဖြစ်သည်။ ပြုံးခြင်းကို စ,တင်လေ့ကျင့်ရာတွင် အခက်အခဲရှိနိုင်သော်လည်း အချိန်ကာလကြာမြင့်သည်နှင့်အမျှ အလေ့အကျင့်မှသည် အလေ့အထဖြစ်သွားနိုင်ပုံ၊ အလိုအလျှောက် တွေးခေါ်စဉ်းစားခြင်းအကြောင်း၊ ဘဝကို ကောင်းမွန်စွာ ထိန်းချုပ်နိုင်ရန် အဓိကကျသည့်အချက်များ၊ အကြောက်တရားကို မည်သို့အနိုင်ယူပုံ၊ လုပ်ဖော်ကိုင်ဖက်များနှင့် ကောင်းမွန်သောဆက်ဆံရေး တည်ဆောက်ပုံ၊ စိတ်နေစိတ်ထားကို လျှို့ဝှက်လက်နက်ဖြင့် အသုံးပြုပုံတို့ကို အခန်း (၁၇) ခန်းခွဲ၍ ရေးသားရှင်းလင်းထားသော စာအုပ်ဖြစ်သည်။

ကာတွန်းရုပ်ရှင် လို - တို - ရှင်း (အော်ပီကျယ်) (အနုပညာ / ဖျော်ဖြေရေး)

ကာတွန်းရုပ်ရှင်သမိုင်းကြောင်း၊ ကာတွန်းရုပ်ရှင်၏ သဘောသဘာဝ၊ ကာတွန်းရုပ်ရှင်ဖန်တီးရာတွင် လိုက်နာရမည့် စည်းမျဉ်းများ၊ ကာတွန်းရုပ်ရှင်ပါ ကာတွန်းတစ်ကွက်ချင်းစီ ရေးဆွဲပုံအပါအဝင် ကာတွန်းရုပ်ရှင် ဖန်တီးခြင်းဆိုင်ရာ သိကောင်းစရာများကို သရုပ်ဖော်ပုံများနှင့်တကွ ရှင်းလင်းရေးသားထားသော စာအုပ်ဖြစ်သည်။

လှေခွက်ချည်းကျန် အလံမလှဲ (ထက်မြက်) (အတ္ထုပ္ပတ္တိ / ကိုယ်တွေ့မှတ်တမ်း)

ဘဝလမ်းခရီးတွင် စိတ်ဓာတ်ကျဆင်းဖွယ် အခက်အခဲများ ရင်ဆိုင်ရသော်လည်း ဘဝကို အရှုံးမပေးဘဲ လဲကျပြန်ထစိတ်ဓာတ်ဖြင့် ရုန်းကန်ရာမှ အောင်မြင်မှုတစ်နေရာကို ပိုင်ဆိုင်ခဲ့ကြသူများအကြောင်းနှင့် သူတို့၏ အတုယူ အားကျဖွယ်စိတ်ဓာတ်အကြောင်းကို ဆောင်းပါးများခွဲ၍ ရေးသားမျှဝေထားခြင်း ဖြစ်သည်။

RESPECT (သက်ကြီး ဝါကြီး ပညာဉာဏ်ကြီးမြတ်သူများ) (မောင်ကိုကို (အမရပူရ)) (အတ္ထုပ္ပတ္တိ / ကိုယ်တွေ့မှတ်တမ်း)

ဆရာအောင်သင်း၊ မောင်စွမ်းရည်၊ ကိုလေး (အင်းဝဂုဏ်ရည်)၊ မောင်ပေါ်ထွန်း၊ မြန်မာမှုဒီဇိုင်း ဦးအေးမြင့်၊ ခင်ဆွေဦး၊ တယောဦးတင်ရီ၊ ဒဂုန်တာရာ၊ ဂုဏ်ထူးဦးသိန်းနိုင်၊ စန္ဒရားတင်ဝင်းလှိုင်၊ မောင်ဒီ၊ ပန်းချီခင်မောင်ရင်၊ ဝင်းဖေ၊ ကြီးမြင့်စော၊ ပန်းချီမောင်ညိုဝင်း၊ ကြည်အေး အစရှိသည့် စာချစ်သူများ လေးစားတန်ဖိုးထားရသည့် စာရေးဆရာများ ဘဝကို မည်သို့ဖြတ်သန်းရုန်းကန်ခဲ့ပုံ၊ သူတို့ကြုံတွေခဲ့သည့်ခေတ်စနစ်၊ လောကဓံအနိမ့်အမြင့် လှိုင်းလုံးများကြား ဘယ်လိုကူးခတ်ခဲ့ရပုံ၊ သူတို့၏ စာပေလက်ရာများအကြောင်းနှင့် အမှတ်တရများ အစရှိသည်တို့ကို အင်တာဗျူးပြုလုပ် မှတ်တမ်းတင်ထားခြင်း ဖြစ်သည်။

ကမ္ဘာကျော်ပန်းချီဆရာများရဲ့ဘဝ ကမ္ဘာကျော်ပန်းချီဆရာများရဲ့ ပန်းချီ (အတွဲ ၂) (မောင်ကျော်သာ (ပဲခူး)) (အတ္ထုပ္ပတ္တိ / ကိုယ်တွေ့မှတ်တမ်း)

ဒုတိယကမ္ဘာစစ်အတွင်း ဗုံးခိုကျင်းထဲ ခြင်ထောင်ချုပ်ခဲ့ရပြီး ပန်းချီဆွဲခြင်းကို အမေဖြစ်သူကမကြိုက်၍ တားမြစ်ခဲ့သော်လည်း ကမ္ဘာကျော်ပန်းချီဆရာမကြီးဖြစ်လာသူ ဂျပန်ပန်းချီဆရာမကြီး ယာဟိုးအိကုဆားမား၊ ၁၉၉၀ ဖိလစ်ပိုင်ငလျင်ဒဏ်ခံကာလအတွင်း တတ်ကျွမ်းသည့် ပန်းချီပညာဖြင့် ထောက်ပံ့ရေးအစီအစဉ်များလုပ်ဆောင်ခဲ့သူ ဖိလစ်ပိုင်ပန်းချီဆရာကြီး ဗင်နီဒစ်တိုကာဗရီရာ၊ အိန္ဒိယနိုင်ငံ ဘီဟာပြည်နယ် ရွာလေးတစ်ရွာမှ ဆင်းရဲသားမှသည် ကမ္ဘာကျော်ပန်းချီဆရာအဆင့် တက်လှမ်းခဲ့သူ ဆူးဘို့ဂူပတာအကြောင်း အပါအဝင်ကမ္ဘာကျော်ပန်းချီဆရာများ၏ ဘဝ၊ ပန်းချီပါရမီအထုံ၊ ပန်းချီအယူအဆတို့ကို ဖတ်ရှုကြရမည့် စာအုပ်ဖြစ်သည်။

ဧရာဝတီမြစ်ကြီး သိပါသည် (လူခါး) (ဝတ္ထုရှည်)

ဧရာဝတီတိုင်း၊ ဝါးခယ်မမြို့နယ်၊ ဧရာဝတီမြစ်ကြီးနံဘေးက လမုတန်းရွာလေးမှာ ငယ်ဘဝအမှတ်တရများစွာရှိခဲ့သည့် စာရေးသူ၏ ပြန်လည်အောက်မေ့ သတိရမှုများကို ရသဝတ္ထုတစ်ပုဒ်အနေဖြင့် ရေးသားထားခြင်း ဖြစ်သည်။ ဆန်, ရေ, စပါး, အသားငါး ပေါကြွယ်ဝသည့် မြစ်ဝကျွန်းပေါ်ဒေသမှ လူများ၏ အကျင့်စရိုက်၊ ဓလေ့စရိုက်၊ ပညာရေး ၊ ဘာသာရေး အစရှိသည်တို့ကို ဝတ္ထုတွင် ထည့်သွင်းရေးသားထားသည်။