New Arrivals of ဦးလှသိန်းထွဋ်

မြန်မာစစ်စစ် မင်းကျန်ရစ် (ဦးလှသိန်းထွဋ်) (သမိုင်း)

ပထမမြန်မာနိုင်ငံတော် စ‚တင်တည်ထောင်သူ အနော်ရထာ၏ ညာလက်ရုံး သူရဲကောင်းစစ်သူကြီးဖြစ်သည့် ကျန်စစ်သား၏ မယ်တော်သည် မဇ္ဈိမဒေသမှ လူမျိုးခြားဖြစ်သည်ဆိုသော ယူဆချက်ဖြင့် ကျန်စစ်သားကိုလည်း ကပြားမင်းသားဟု ယူဆကြသူများ ရှိရာ ထိုယူဆချက်မှားယွင်းပုံကို ဗုဒ္ဓပိဋကစာပေနှင့် သမိုင်းစာပေတို့ ဆက်စပ်ကာ သုတေသနပြု ရေးသားထားခြင်း ဖြစ်သည်။

ပုဂံ (အမျိုးသားပညာဝန် ဦးဖိုးကျား, ဦးသော်ဇင်, မြသန်းတင့်, ဒေါက်တာသန်းထွန်း, ဒဂုန်ခင်ခင်လေး, မင်းယုဝေ, ဇော်ဂျီ, လှသမိန်, ထိန်လင်း, ဦးမြင့်ဆွေ, မင်းသုဝဏ်, ပါရဂူ, သိပ္ပံမောင်ဝ, ဦးလှသိန်းထွဋ်, သခင်ကိုယ်တော်မှိုင်း, ဝသုန်, အောင်စိုး, ရွှေကိုင်းသား, တိုက်စိုး, စိန်မျိုးမြင့်, ဦးစိန်မောင်ဦး, မင်းကျော် (မလိခ), ဇေယျ, ဒေါင်းနွယ်ဆွေ, တင်မိုး, ရွှေကူမေနှင်း, သိန်းသန်းထွန်း, နတ်မောက်ထွန်းရှိန်, တက္ကသိုလ်ဝင်းမွန်, ဦးအောင်သော်, တက္ကသိုလ်မင်းမော်, ထွန်းနွယ် (သမိုင်းတံခွန်), ဦးစန္ဒိမာ (စလင်း), မောင်စောထွန်း (ကျောင်းကုန်း), တက္ကသိုလ်မောင်မောင်ကြီး, လှမြင့် (ရန်ကုန်တက္ကသိုလ်), ကြည်အောင်, ဦးလူဖေဝင်း, သိန်းနိုင်, ဦးမျိုးညွန့် (ညွန်ကြားရေးမှူး), ဒေါ်မြင့်သန်း (မဟာဝိဇ္ဇာ), သန်းလှိုင် (ယဉ်ကျေးမှု), အမ်ဗိုကေ, ပ.လ.စ ဒေါ်သန်းစိန်, အစ်ကိုကြီး, မောင်သုန္ဒရ (ပုဂံ), ကျောက်ပန်းတောင်းနေဝင်းသူ, မင်းဝေ, ကြီးမြင့်, လေးကျွန်းမောင်, မချင်းမွန်, Khin Khin Sein, Ba Thaung) (သမိုင်း)

သမိုင်းသုတေသနပညာရှင်များသာမက စာရေးဆရာ၊ ကဗျာဆရာ၊ ဓာတ်ပုံဆရာ၊ အနု ပညာရှင်များက ဖော်ကျူးခဲ့ကြသော ပုဂံဆိုင်ရာ ဆောင်းပါးများကို စုစည်း၍ စာအုပ် အဖြစ် ထုတ်ဝေထားခြင်း ဖြစ်သည်။ မြန်မာတို့၏ စိတ်ဓာတ်ကြံ့ခိုင်မှုအရာတွင်လ ည်းကောင်း၊ စည်းလုံးညီညွတ်မှုအရာတွင်လည်းကောင်း အထူးထွန်းပြောင်ခဲ့သည့် ပု ဂံခေတ်အကြောင်းကို ရှုထောင့်စုံမှ မှတ်တမ်းတင် ရေးသားထားကြခြင်း ဖြစ်သည်။

ဘာမထီ မဟာအာဇာနည် သာကီမျိုးဟေ့ ဒို့ဗမာ (ဦးလှသိန်းထွဋ်) (သမိုင်း)

သာကီဝင်မင်းမျိုး သကျလူမျိုးတို့နှင့် ပျူ ၊ မြန်မာတို့သည် လူမျိုးတစ်မျိုးတည်း တစ်နိုင်တည်းသားများဖြစ်ကြောင်းကို အာဂမယုတ္တိ၊ သဘာဝယုတ္တိ၊ သမိုင်းကွင်းဆက်များဖြင့် သုတေသနပြု လေ့လာတင်ပြထားသော စာအုပ်ဖြစ်သည်။

ကမ္ဘာ့အကောင်းဆုံးဘာသာ (ဦးလှသိန်းထွဋ်) (ဘာသာရေး)

ဘာထရန်ရပ်ဆဲ၊ တဂိုး၊ နေရူး အပါအဝင် ကမ္ဘာတွေးခေါ်ရှင်ကြီးများ၊ စာပေအနုပညာရှင်များ၊ နိုင်ငံရေးသမားများ၏ ဗုဒ္ဓဘာသာအပေါ်အမြင်၊ ဗုဒ္ဓသာသနာ ကမ္ဘာပြန့်ပွားရေးအတွက် ဆောင်ရွက်ခဲ့ကြသည့် ဗုဒ္ဓဘာသာ ရဟန်းအာဇာနည်များအကြောင်းနှင့် ဗုဒ္ဓဝါဒ၏ အနှစ်သာရများကို စုစည်းဖော်ပြပေးထားသော စာအုပ်ဖြစ်သည်။

မြတ်ဗုဒ္ဓ၏ အဘိဓမ္မာနှင့် တာဝတိံသာ (ဦးလှသိန်းထွဋ်) (ဘာသာရေး)

ဗုဒ္ဓမြတ်စွာ၏ အဘိဓမ္မာဒေသနာတော်နှင့် တာဝတိံသာနတ်ပြည်တို့အကြောင်းကို အကျယ်ဆက်စပ်သုံးသပ်တင်ပြထားသော စာအုပ်ဖြစ်သည်။ ခေတ်လူသားများ သိပ္ပံပညာအသုံးပြု၍ အာကာသသို့ သွားရောက်ခဲ့ကြပုံများကို စာအုပ်ရှေ့ပိုင်းတွင် ရေးသားပြီးနောက် လူသားတစ်ဦးဖြစ်သည့် ဗုဒ္ဓမြတ်စွာ အမြင့်မိုင်များစွာကို မည်သို့ ဖြတ်ကျော်ကြွချီခဲ့ပုံ၊ ယုဇနများစွာ မိုင်ချီရှိသည့် ပရိသတ် ကောင်းစွာကြားနိုင်ရန် မြတ်စွာဗုဒ္ဓမည်သို့ ဟောကြားနိုင်ခဲ့ပုံများကို ခေတ်အမြင် စာပေအမြင် သိပ္ပံအမြင်၊ အဘိဓမ္မအမြင်ရှုထောင့်များမှ အသေးစိတ် လေ့လာသုံးသပ်ရေးသားရှင်းလင်းထားသည်။

ဗုဒ္ဓအဘိဓမ္မာနှင့် စကြဝဠာသီအိုရီ (ဦးလှသိန်းထွဋ်) (ဘာသာရေး)

ဓမ္မာစရိယအောင်၍ ပထဝီနှင့် ဘွဲ့ရထားသူ စာရေးသူက ဤစာအုပ်တွင် ဗုဒ္ဓအဘိဓမ္မာနှင့် စကြာဝဠာသီအိုရီကို အသေးစိတ်နှိုင်းယှဉ်တည်ဆောက် ရှင်းလင်းထားသည်။ စာအုပ်ပါ အကြောင်းအရာများကို လေ့လာဖတ်ရှုခြင်းအားဖြင့် သိပ္ပံပညာရှင်တို့ ဖွင့်ဆိုသော စကြာဝဠာနှင့် မြတ်စွာဘုရား ဟောကြားတော်မူသော လောကဓာတ်ဒေသနာတို့သည် ဆန့်ကျင်မှု မရှိကြပုံကိုလည်းကောင်း၊ သိပ္ပံပညာရပ်ဖြင့် လက်လှမ်းတမှီ ရှာဖွေတွေ့ရှိခဲ့သော သြကာသလောကအချို့နှင့် သတ္တလောကအချို့တစ်ဝက်တို့၏ ဖြစ်စဉ်များကိုလည်းကောင်း၊ ဗုဒ္ဓအဘိဓမ္မာ ဒေသနာတော်လာ ၃၁ ဘုံ လောကဓာတ်ဒေသနာတော်အကြောင်းကိုလည်းကောင်း နားလည်သဘောပေါက်နိုင်ကြမည် ဖြစ်သည်။

စိစစ်ဝေဖန် မြန်မာ့သမိုင်းမှန် (ဦးလှသိန်းထွဋ်) (သမိုင်း)

ပရိုင်းမိတ်ခေတ်၊ တကောင်းခေတ်ကာလ မြန်မာနိုင်ငံ၊ သရေခေတ္တရာမင်းများအကြောင်း၊ ပုဂံခေတ် သာသနာသမိုင်း၊ အနော်ရထာမင်းစောလက်ထက် သာသနာသန့်ရှင်းစင်ကြယ်အောင် လုပ်ဆောင်မှုများ၊ ၁၁ ရာစု ၏ အထင်ကရ ကမ္ဘာသမိုင်းဖြစ်စဉ်များ၊ မွတ်ဆလင်များ ပုဂံပြည်သို့ ဝင်ရောက်လာပုံ၊ ကျန်စစ်သား၏ မယ်တော် ပဉ္စကလျာဏီမင်းသမီးအကြောင်း၊ မြန်မာစစ်စစ် ကျန်စစ်မင်းကို လူမျိုးခြားဖြစ်အောင် ထွင်ခဲ့ကြပုံ၊ ပင်းယမင်းဆက်၊ စစ်ကိုင်းမင်းဆက်၊ အင်းဝမင်းဆက်၊ တောင်ငူမင်းဆက်၊ ညောင်ရမ်းမင်းဆက်၊ ကုန်းဘောင်မင်းဆက်ဆိုင်ရာ အချက်အလက်များ အစရှိသည့် မြန်မာ့သမိုင်းမှန်ကို ခြုံငုံမှတ်တမ်းတင်ထားသော စာအုပ်ဖြစ်သည်။

ဗုဒ္ဓဘာသာ ယဉ်ကျေးမှု သင်ခန်းစာများ (ဦးလှသိန်းထွဋ်) (ဘာသာရေး)

ဗုဒ္ဓဘာသာတရားတော် အခြေခံအဆင့်သင်တန်းများကို ပို့ချရန် နိုင်ငံတော်က စီစဉ်ခဲ့ရာတွင် သင်တန်းအတွက် အထောက်အကူပြုစေရန်အတွက် ဤစာအုပ်ကို ရေးသားပြုစုထားခြင်း ဖြစ်သည်။ ပါရမီဆယ်ပါးအကြောင်း၊ ဗုဒ္ဓဖြစ်စဉ် ဗုဒ္ဓဝင်အကျဉ်း၊ သြကာသအဓိပ္ပာယ်၊ ဂုဏ်တော်များအကြေင်း၊ သီလစောင့်တည်ခြင်း၏ အကျိုးနှင့် ဖောက်ဖျက်ခြင်း၏ အပြစ်၊ ဆွမ်း, ပန်း, ရေချမ်း, ဆီမီးကပ်လှူပုံ၊ မြန်မာနိုင်ငံ၏ သာသနာသမိုင်းကြောင်း၊ မိဘကျင့်ဝတ်, သားသမီးကျင့်ဝတ်အပါအဝင် ကျင့်ဝတ်များစွာပါရှိသည့် သိင်္ဂါလောဝါဒသုတ်အကြောင်း၊ မင်္ဂလသုတ်ပါဠိနှင့် ကဗျာများ၊ အဘိဓမ္မာအဓိပ္ပာယ်အကျဉ်းတို့ကို လူငယ်များနားလည်လွယ်မည့် အရေးအသားပုံစံဖြင့် တင်ပြထားသည်။

မဟာဗုဒ္ဓဝင် အနှစ်ချုပ်ကဗျာ (ဦးလှသိန်းထွဋ်) (ဘာသာရေး)

သုမေဓာဘဝမှ စတင်ကာ ဖြည့်ကျင့်ခဲ့သည့် ပါရမီဆယ်ပါး၊ ဘုရားအလောင်း ပဋိသန္ဓေယူပုံ၊ တောထွက်တော်မူပုံ၊ ဒုက္ကရစရိယာ ကျင့်တော်မူပုံ၊ ဘုရားအဖြစ်သို့ ရောက်ရှိပုံ၊ ဓမ္မစကြာတရားထူး ဟောပုံ၊ ဘုရားရှင်၏ ဆောင်ရွက်မြဲလုပ်ငန်းများနှင့် ဗုဒ္ဓသာသနာကျယ်ပြန့်လာပုံများကို မြန်မာစကားပြေရှင်းလင်းချက်အပြင် အခန်းပြီးတိုင်း အဆိုပါအခန်းပါ အကြောင်းအရာအကြောင်း ကဗျာစပ်ဆိုချက်များကိုပါ ထည့်သွင်းဖော်ပြထားသော စာအုပ်ဖြစ်သည်။

ဗုဒ္ဓနှင့် မြန်မာလူမျိုး (ဦးလှသိန်းထွဋ်) (ဘာသာရေး)

မြန်မာလူမျိုး ဆိုရိုးပြုခဲ့သော ဘာမထီ သာကီမျိုးဟေ့ တို့မြန်မာ အစဉ်အလာစကားရပ်ကို ဗုဒ္ဓမြတ်စွာ၏ ပိဋကတ်စာပေ အထောက်အထားများဖြင့် တင်ပြထားသည်။ ရှေးဟောင်းသုတေသန၊ ပေါရာဏကထာ၊ ကျောက်စာ၊ ပျို့၊ ကဗျာ၊ လင်္ကာ ရတု၊ ရာဇဝံသကထာ၊ အိမ်နီးချင်းနိုင်ငံများက မှတ်တမ်းလွှာများ၊ ခေတ်သစ်သုတေသနပြုချက်များ၊ သမိုင်းရေးရာအချက်အလက်၊ လက်တွေ့ ကွင်းဆင်း ရှာဖွေ သုတေသနပြု တွေ့ရှိချက်များကို အထောက်အထားပြ နှိုင်းယှဉ်ပေါင်းစပ် ရေးသားတင်ပြထားသည်ကို တွေ့ရှိရသည်။