New Arrivals of နေသစ်နီ

ကမ္ဘာ့အကြီးဆုံး စာကြည့်တိုက်ကြီးများ (နေသစ်နီ) (ရည်ညွန်းစာပေ (အဘိဓာန် / စွယ်စုံကျမ်း / မြေပုံ / လမ်းညွှန်စာအုပ် / … ))

ကမ္ဘာ့အကြီးဆုံး စာကြည့်တိုက်ကြီးများ၏ သမိုင်းကြောင်း၊ ထိန်းသိမ်းထားရှိသည့် စာပေများ၊ စာကြည့်တိုက်ကို အုပ်ချုပ်သူများအကြောင်း၊ စာကြည့်တိုက် တည်တံ့အောင် လည်ပတ်လုပ်ဆောင်မှုများ၊ လှုပ်ရှားမှုများကို မှတ်တမ်းတင် ရေးသားထားသော စာအုပ်ဖြစ်သည်။

နက်ဖြန် ဘာဖြစ်မယ်ဆိုတာ မသိပေမယ့် ဒီနေ့တော့ အားလုံးအဆင်ပြေပါတယ် (ရုပ်ရှင်ခံစားမှုဆောင်းပါးများ) (နေသစ်နီ) (အနုပညာ / ဖျော်ဖြေရေး)

စာရေးသူ ရေးသားသည့် ရုပ်ရှင်ခံစားမှုဆောင်းပါး (၁၂) ပုဒ် စုစည်းမှု စာအုပ်ဖြစ်သည်။ ရုပ်ရှင်များကို ခံစားကြည့်ရှုဖြစ်ရာမှ ထိုရုပ်ရှင်များကပြောသည့် ဘဝအားမာန်များ၊ လူ့ဘဝ၏ ကမောက်ကမနိုင်မှုများ၊ သမိုင်းတွင်သာမက လက်ရှိလောကတွင်ပါ တွေ့မြင်ရသည့် လူသားများ၏ မှားယွင်းမှုများကို ထောက်ပြသတိပြုလိုသောအားဖြင့် ရေးသားဖြစ်ခဲ့ခြင်း ဖြစ်သည်ဟု စာရေးသူက ဆိုထားသည်။

ခေတ်ပြိုင်အိန္ဒိယရုပ်ရှင်များ (နေသစ်နီ) (ရည်ညွန်းစာပေ (အဘိဓာန် / စွယ်စုံကျမ်း / မြေပုံ / လမ်းညွှန်စာအုပ် / … ))

အနုပညာမြောက်သည့် ရုပ်ရှင်ရိုက်ချက်၊ ကောင်းမွန်သော Message၊ စိတ်ဝင်စားဖွယ် ယဉ်ကျေးမှု၊ အံ့သြဖွယ် စိတ်ကူး၊ မြူးကြွသည့် ဂီတ၊ အပိုအလိုမရှိသော သရုပ်ဆောင်ပညာတို့ကြောင့် နိုင်ငံတကာတွင် လူကြိုက်များလာသော အိန္ဒိယရုပ်ရှင်များနှင့် ပတ်သက်၍ စာရေးသူ၏ ခံစားမှုများကို ဆောင်းပါး (၁၈) ပုဒ်ခွဲ၍ ရေးသားမျှဝေထားခြင်း ဖြစ်သည်။

ဂျာမနီ၊ အီဒါ၊ အော်တမ်န်ရာသီနှင့် ဟက်ဂင်စတိုင်း၏ နှင်းလွှမ်းသည့် နေ့ရက်များ (ကျောက်မျက်ပညာတော်သင်တစ်ဦး၏ မှတ်တမ်း) (နေသစ်နီ) (ခရီးသွား / ပထဝီဝင်)

၁၉၈၅ ခုနှစ်က ဂျာမနီနိုင်ငံ အီဒါအိုဗာစတိုင်းရှိ အေရူပင်သော် ကျောက်မျက်ကုမ္ပဏီသို့ ကျောက်မျက်ပညာသင်ရန် စေလွှတ်ခြင်းခံခဲ့ရသူ စာရေးသူက သူ၏ ပညာတော်သင်ဘဝအတွေ့အကြုံများကို ပြန်လည်မျှဝေထားခြင်း ဖြစ်သည်။ ပညာတော်သင်ကာလ နေထိုင်စားသောက်မှု၊ ဂျာမန်ကျောက်မျက်လောကအကြောင်း၊ သင်ကြားရေးနည်းစနစ်များ၊ အမှတ်တရဖြစ်ခဲ့သည့်ဖြစ်စဉ်များ အစရှိသည်တို့ကို စိတ်ဝင်စားဖွယ် ရေးသားမှတ်တမ်းတင်ထားသည်။

မာလိုင်းယင်းန်အိပ်မက် (နေသစ်နီ) (သမိုင်း, ခရီးသွား / ပထဝီဝင်)

စင်ကာပူမည်သို့ ဖြစ်တည်လာပုံ၊ စင်ကာပူကို ပုံဖော်ခဲ့ကြသူ လီကွမ်ယုအကြောင်းနှင့် သူ၏ စီးပွားရေးအမြင်ကျယ်မှု၊ လက်ရှိစင်ကာပူပုံစံဖြစ်လာအောင် အဆင့်ဆင့်ပြုပြင်ပြောင်းလဲခဲ့ရပုံများ၊ စင်ကာပူနိုင်ငံသားတို့၏ လူနေမှုဘဝပုံစံ၊ တစ်ချိန်က စင်ကာပူနိုင်ငံတွင် အလုပ်လုပ်ကိုင်ခဲ့စဉ်က ရရှိခဲ့သည့် စင်ကာပူအတွေ့အကြံုံများကို ဆောင်းပါး (၁၇) ပုဒ်ခွဲ၍ ရေးသားရှင်းလင်းထားခြင်း ဖြစ်သည်။

ကမ္ဘာမြေကို ရှာဖွေတွေ့ရှိခဲ့သော မိန်းမများ (နေသစ်နီ) (အတ္ထုပ္ပတ္တိ / ကိုယ်တွေ့မှတ်တမ်း)

ကမ္ဘာပေါ်တွင် လူဦးရေ ၇ ဘီလီယံကျော်ရှိသော်လည်း ကမ္ဘာမြေကြီးကို ရှာဖွေတွေ့ရှိသူများသည် အနည်းငယ်သာ ရှိသည်ဟု ဆိုသည်။ အများစုသည် ပျော်စရာကို ရှာခဲ့ကြပြီး အချို့က ငွေကိုလည်းကောင်း၊ အချို့က အောင်မြင်ကျော်ကြားမှုကိုလည်းကောင်း ရှာဖွေခဲ့ကြသည်။ ဤစာအုပ်တွင် ကမ္ဘာကြီးကို မှန်ကန်သောနည်းဖြင့် ရှာဖွေခဲ့သူများအကြောင်းကို ဖတ်ရှုကြရမည် ဖြစ်သည်။ အစ္စရေးနိုင်ငံသူ တည်ထောင်ဖို့ ရှာဖွေတွေ့ရှိခဲ့သူ ဂိုလ်ဒါမီရာ၊ ဖြစ်တည်မှုပဓာနဝါဒသဘောတရားကို ရှာဖွေတွေ့ရှိခဲ့သူ ဆီမွန်ဒီဗူးဗွား၊ ခိုးကိုးရာမဲ့သော ဘဝများကို စောင့်ရှောက်ဖို့ တွေ့ရှိခဲ့သူ မာသာထရီဆာ၊ သဘာဝပတ်ဝန်းကျင်ကို ထိန်းသိမ်းစောင့်ရှောက်ဖို့ လိုအပ်ပုံကို တွေ့ရှိခဲ့သည့် ဝန်ဂါရီမာသီနှင့် ရေချယ်ကာဆန် အပါအဝင် ပုဂ္ဂိုလ်ကျော် ၁၇ ဦးနှင့် သူတို့၏ လုပ်ဆောင်ချက်များ ပါရှိသည်။

လူသားအား ဘုရားသခင်ဖန်ဆင်းခြင်းမှ လွတ်မြောက်စေခဲ့သူနှင့် ကမ္ဘာကျော်ပုဂ္ဂိုလ်များ (နေသစ်နီ) (အတ္ထုပ္ပတ္တိ / ကိုယ်တွေ့မှတ်တမ်း)

တစ်ကိုယ်ကောင်းဆန်သည့် လူ့ယဉ်ကျေးမှုကြီး သက်ဆိုးရှည်နေချိန်၌ တစ်ကိုယ်ကောင်းမဆန်ဘဲ လူအများအတွက် အကျိုးပြုသွားသူများကို လူငယ်များ သိစေချင်စိတ်၊ အတုယူစေချင်စိတ်ဖြင့် ရေးသားထားသော ဆောင်းပါး (၂၂) ပုဒ် ပါရှိသည့် စာအုပ်ဖြစ်သည်။ ချားလ်(စ်)ဒါဝင်၊ သောမတ်အက်ဒီဆင်၊ အလဇန္ဒားဖလင်းမင်း၊ အဲဖရက်နိုဘယ်၊ အဲလ်ဘတ်ရွိုက်ဇာ၊ ကော့ပါးနီးကပ်၊ အဲလ်ဘတ်အိုင်းစတိုင်း၊ စတီဗင်ဟော့ကင်း၊ စတိဗ်ဂျော့၊ ဘီလ်ဂိတ်၊ မာ့ခ်ဇူကာဘတ်၊ မာရီကျူရီ၊ မာသာထရီဆာ အပါအဝင် ကမ္ဘာကျော်ပုဂ္ဂိုလ် (၂၂) ဦးနှင့် သူတို့၏ အတုယူဖွယ်စိတ်ထားနှင့် လုပ်ရပ်များအကြောင်း မှတ်တမ်းတင် ရေးသားထားသည်။

ပညာရှိရာသို့ ခြေလှမ်းများစွာ (မင်းနန် (မော်ကျွန်း), ဦးတင်ဦး (ကျူရှင်), ကြည်ရွှန်း, ကြည်မင်း, ဒေါက်တာခင်စန်းမော်, ခင်မြဇင်, မင်နီရှဲလ်, အေးကျော်မင်း, ဒေါက်တာခင်မျိုးဟန်, မသန်းသန်း (မန်းတက္ကသိုလ်), ဒေါက်တာထွန်းဝင်း (M.B.B.S, H.G.P, Dip. D.D, M.P.A), ဆရာချိန် (ပဲခူး), ပါမောက္ခ ဒေါက်တာအောင်ထွန်းသက်, တင်ညွန့်, ခင်လှိုင်ကြူ, နှင်းဝေငြိမ်း, မောင်လွင်မွန် (ကသာ), နတ်မောက် အနီချို, ဦးကျော်အေး, နေသစ်နီ, ဒေါက်တာညိမ်းညိမ်း (ပါမောက္ခ - မြန်မာစာဌာန), ရွှေဖိုးညို, ဒေါက်တာဖြိုးသီဟ, သက်ဇော်နိုင်) (ပညာရေး)

ပညာရှိရာသို့ သွားရာလမ်းများစွာ ရှိသည့်အနက် တစ်ဦးနှင့်တစ်ဦး ရှာဖွေချဉ်းကပ်ပုံချင်း မတူညီနိုင်ကြသော်လည်း ပန်းတိုင်သို့ ဖြောင့်ဖြောင့်တန်းတန်း ရောက်ရှိလိုရင်းမှာ အတူတူပင်ဖြစ်သည်။ ယခုစာအုပ်တွင် စာရေးဆရာ အသီးသီးတို့က သူတို့ ခေတ်ကာလအလိုက် ပညာပန်းတိုင်သို့ သွားရောက်ခဲ့ကြပုံ နည်းအသွယ်သွယ်ကိုလည်းကောင်း၊ မျက်မှောက်ခေတ် ပညာရေးနှင့် ပတ်သက်၍ သူတို့၏ အမြင်နှင့် အကြံပြုချက်များကိုလည်းကောင်း ဆောင်းပါးများခွဲ၍ ရေးသားမျှဝေထားသည်။ ပညာရေးပန်းတိုင်သို့ အရောက်လှမ်းလိုသူများသာမက အနာဂတ် မြန်မာ့ပညာရေးကို ပြုစုပျိုးထောင်လိုသူများကို ဤစာအုပ်ပါ ဆောင်းပါးများက အထောက်အပံ့ဖြစ်စေမည် ဖြစ်သည်။

ကဗျာတွေနဲ့ ကမ္ဘာ (သစ္စာနီ, ခရမ်းပြာထက်လူ, နေသစ်နီ, မောင်ယူပေး, နှင်းအိမ်သစ်, လွင့်လရောင်) (ကဗျာ / အက်ဆေး / ပေးစာ / မိန့်ခွန်း / ဟောပြောချက်)

သစ္စာနီ၊ ခရမ်းပြာထက်လူ၊ နေသစ်နီ၊ မောင်ယူပေးတို့၏ ကဗျာလက်ရာ (၃) ပုဒ်စီ၊ နှင်းအိမ်သစ်၏ ကဗျာလက်ရာ (၁၁) ပုဒ်၊ လွင့်လရောင်၏ ကဗျာလက်ရာ (၆) ပုဒ်တို့ကို စုစည်းကာ စာအုပ်အဖြစ် ထုတ်ဝေထားခြင်း ဖြစ်သည်။